ភ្នំពេញ៖ ថ្ងៃទី២៩ ខែឧសភា ឆ្នាំ២០២៤នេះជាខួប២៥ឆ្នាំ(២៩ ឧសភា ១៩៩៩-២៩ ឧសភា ២០២៤) ដែលសម្ដេចធិបតី ហ៊ុន ម៉ាណែត ទទួលសញ្ញាប័ត្របណ្ឌិតសភាយោធាពីសាលា westpoint ដែលជាកូនខ្មែរទី១បានបញ្ចប់ការសិក្សានៅសាលាដ៏ល្បីនៅអាមេរិកមួយនេះ។

អ្នកណាទៅដឹងថា២៥ឆ្នាំក្រោយបញ្ចប់ការសិក្សា ពន្លកដែលទទួលបានការបណ្ដុះបណ្ដាលពីអាមេរិកមួយនេះបានក្លាយជាមេដឹកនាំដ៏ក្លាវក្លារបស់កម្ពុជាបច្ចុប្បន្ន។

សម្ដេចធិបតី ហ៊ុន ម៉ាណែត បានក្លាយជានាយករដ្ឋមន្ត្រីទី៤ នៃព្រះរាជាណាចក្រកម្ពុជាទី២នៅថ្ងៃទី២២ ខែសីហា ឆ្នាំ២០២៣ ជាមួយនឹងសំឡេងគាំទ្រទាំងស្រុងពីសភាជាតិបន្តពីសម្ដេចតេជោ ហ៊ុន សែន។

ក្រោយទទួលបានអំណាចកំពូលនៃស្ថាប័ននីតីប្រតិបត្តិសម្ដេចបានប្រកាសយុទ្ធសាស្ត្របញ្ចកោណនៃរដ្ឋាភិបាលអាណិត្តទី៧ នឹងបានបោះជំហានយ៉ាងខ្លាំងក្លាក្នុងនាមជាអ្នកបន្តវេន ខណៈប្រជាប្រិយភាពរបស់សម្ដេចក៏មានកាន់តែច្រើនផងដែរ៕